Buhok

From Wikihealth
Jump to: navigation, search

Ang buhok ay hindi lamang makikita sa ulo kung hindi ang makikita din ito sa lahat ng parte ng katawan maliban sa baba, palad, at talampakan ng paa. Ang buhok ay may kanya-kanyang gamit tulad na lamang ng buhok sa ulo na nagdudulot ng init at nagbibigay proteksyon sa ulo; ang pilikmata na nagbibigay ng proteksyon laban sa puwing at alikabok; at ang kilay na nagproprotekta sa mata at sa tumutulong pawis.

Contents

Katangian

Ang lahat ng buhok ay tumutubo sa lahat ng bahagi ng katawan at ito ay nagsisimulang tumubo sa maraming tubo sa ugat na tinatawag na follicle na may elementong keratin. Kapag tumutubo na ang buhok, ito ay hindi buhay kaya’t kapag pinuputol ay hindi masakit. Lahat ng follicle ay may nakakabit na sebaceous gland na nagbibigay ng langis sa buhok na naging waterproof, naglalabas ng maraming langis na nagiging grasa at malapot kaya kailangnang linisin at syampohin.

Marami ang buhok sa ulo at namementena ang parehong dami dahil kapag may nalalagas ay may bagong buhok naman na tumutubo sa mismong follicle na nalalagasan. Lahat ng follicle ay may kaugnay na sebaceous gland na nagbibigay langis sa buhok at balat.

Kulay

Ang kulay ng buhok ay galing sa melanin at depende ito sa dami ng melanin na nagbibigay ng balat at buhok ng pigment. Ang mga matatanda ay nawawalan ng melanin pigment kaya naging puti o gray ang kulay ng kanilang mga buhok. Ang kulay ng balat ay siya ring kulay ng buhok at ito ay namamana sa mga magulang dahil sa genes. Sa tipo naman ng buhok ay nakadepende sa istruktura ng follicle ng buhok kung ito ba ay kulot o tuwid, makapal, magaspang o pino.

Pangangalaga ng buhok

Ang pangangalaga ng buhok at pagpapanatili sa kalinisan nito ay depende sa galaw at sa ginagawa ng tao. Ang paghuhugas ng buhok ay dapat gamitan ng malinis na tubig, syampo at kondisyoner, at patuyuin at sa suklayin nang mabuti. Hindi dapat talian ng mahigpit at kung gumamit ng pampakulot at blow-dryer, mag-ingat at huwag sunugin ang sarili. Kumain ng mga pagkaing puno ng sustansya at dapat ay magkaroon ng balanseng dyeta at nutrisyon upang lumusog at gumanda ang buhok.

Ang buhok ay tumutubo ng isang sentimetro kada buwan at tumutubo ito ng nobenta porsyento at sampong porsyento naman na hihinto ito sa pagtubo. Pagkaraan ng tatlo o apat na buwan, ito ay nalalagas ngunit may mga bagong buhok na tutubo at hahalili sa mga nawala. Samantala, ang madalas na pagkalagas ng buhok ay nakakaapekto sa tao.

Pagkalagas ng Buhok

Ang pagkakalagas ng buhok ay maaaring dahil sa sumusunod:

  • Pagkakasakit o dumaan sa operasyon (hindi permanente ay pagkaraan ng ilang araw ay tutubo ang mga bagong buhok)
  • Problemang hormonal, ang thyroid gland ay masyadong aktibo o masyadong mahina, at ang androgens at estrogens ay hindi balanse ngunit ito ay pwedeng ituwid
  • Mga babaeng buntis, ito ay problemang hormonal at kapag naibalik na ang normal hormones ay babalik rin ang pagtubo at pagkalagas ng buhok
  • Mga medisina na pampalabnaw ng dugo, gout, sakit sa puso, high blood pressure, sobra ng bitamina A, birth control pills, at antidepressants
  • Fungal infection sa bunbunan ng ulo sa mga bata na malulunasan sa pamamagitan ng paggamit ng mga antifungal cream
  • Pagkakaroon ng sakit tulad ng lupus at diabetes. Kailangang magpasuri kaagad upang mabigyan ng lunas ang sakit at ang pagkalagas ng buhok.

Common Baldness

Ang androgenetic alopecia ay isang male-pattern baldness, namamana ito, resulta ng pagkati, at umuurong na pagtubo sa tuktok ng ulo. Female-pattern baldness ay ang pagkalagas ng buhok sa bunbunan ng ulo.

Lunas

Ang lunas ay depende sa uri ng pagkalagas ng buhok. Kapag ang sanhi ay medisina, impeksyon, at hormonal imbalance, ito ay mabibigyan ng lunas ng ibang medisisna, lunas ng impeksyon at ituwid ang imbalance ng hormone. Minoxidil(Rogaine) ay ang kadalasang ginagamit na panlunas para sa lalaki at babae at ipinahid sa bunbunan ng ulo. Ang gamot na ito ay madaling mabili kahit na walang reseta. Ang Finasteride ay isang pill para sa lalaki at binibili ito na kailangang may dalang reseta. Kung walang lunas, gumamit ng wig at artificial hair replacement.

Sanggunian