Plasma

From Wikihealth
Jump to: navigation, search

Ang Plasma o plasma cell ay isang uri ng blood cell na lumilikha at naglalabas ng antibodies. Ang plasma cell ay naiiba mula sa lymphocyte na matatagpuan sa angkan ng B-cells. Ang mga plasma cell ay maaari ring magkaroon ng pagbabago sa katangian at anyo at maging cancer cells.

Ang plasma ay kulay straw at nagsisilbing tagapaghatid ng dugo. Ito rin ay maaaring maulap o kulay abo, depende sa kalusugan o dyeta ng tao.

Ang blood plasma ay 90 porsyentong binubuo ng tubig; 7 porsyento ng protina tulad ng albumin, coagulation factors, at gloubulins tulad ng gamma gloubulin; mga dumi na galing sa metabolismo; mayroon din itong gases, nutrients, at hormones na humihimik sa erythrocyte formation. Ang plasma ay mayroon ring dissolved salts at mineral tulad ng calcium, sodium, magnesium, at potassium. Ang red blood cells, white blood cells at platelets ay nakalutang sa plasma ng dugo. Ang serum ang likidong pane ng dugo na nananatili pagkatapos ng pamumuo ng dugo. Ang frozen plasma ay tumatagal hanggang 10 taon. Ito ay isa sa pinakatumatagal na blood produkto. Ito ay maari ring patuyuin para sa military applications.

Tumutulong ito sa pagmentena ng presyon sa dugo, naghahatid ng init sa katawan, at nagbabalanse ng pH sa daluyan ng dugo at katawan. Ang panlaban ng katawan natin sa mikrobyo ay dumadaloy sa katawan sa pamamagitan ng pagdikit sa plasma. Ang purong plasma ay nagagamit sa operasyon at paggamot ng hemophilia.

Ang sakit sa plasma cells ay kinabibilangan ng myeloma, Waldestrom macroglobulinemia at leukemia sa plasma cell.

Paghihiwalay ng plasma mula sa dugo

Inuumpisahan ang proseso ng paghihiwalay ng plasma mula sa dugo sa pamamagitan ng pagkuha ng dugo mula sa pasyente. And nakuhang dugo at papadaanin sa centrifuge. Habang pinapaikot ito, ang mas mabigat na blood cells ay naiipon sa ilalim at ang plasma ay lulutang sa ibabaw.

Ang plasmapherisis ay ang pagkuha ng plasma mula sa dugo at pagkaproseso ay ibabalik sa pasyente upang mapagaling ang ilang kondisyon. Ang Plasmapheresis ay ginagamit din sa donasyon ng plasma, sa pamamagitan ng pagbibigay lamang ng plasma at hindi blood cells. Ang donasyon ng plasma ay matagal kaysa sa donasyon ng dugo ngunit ang plasma ay mas mabilis mapalitan kung kaya't mas mabilis din ang paggaling ng tagapagbigay.

Sanggunian