Anit

From Wikihealth
Jump to: navigation, search
Scalp.JPG
Ang anit o scalp ay ang malambot na tisyu na pumapalibot sa bungo. Dito tumutubo ang buhok.

Struktura

  1. Balat – Makapal, mabuhok, at maraming sebaceous glands, ang maliliit na mga glandula sa balat na naglalabas ng langis na nagpapdulas sa buhok.
  2. Connective tissue (superficial fascia) – Dito nakadikit ang mga blood vessel ng anit
  3. Epicranial aponeurosis (galea aponeurotica)
  4. Loose areolar tissue
  5. Pericranium
  6. Occipitofrontalis muscle

Karamdamang may kinalaman sa anit

Maraming mga tao ang nakakaranas ng problem sa anit. Maaaring maging manipis, madaling malagas, madaling maputol, o mabagal ang pagtubo ng buhok. Ang balakubak at pangangati ng anit ay maaaring magdulot ng kahihiyan at kawalan ng kaginhawaan. Madalas sa mga problema na sangkop ang anit ay nakakadulot ng pagkabalisa ngunit karaniwang hindi sensyales ng isang seryosong problemang medikal.

  1. Ang pagkaubos ng buhok o pagkakalbo (kasama ang pagnipis at ang madaling pagkaputol nito) ay ang pinakakaraniwang problema ng anit. Ang labis na pagkaubos ng buhok ay maaaring sanhi ng mga sumusunod na bagay:
    • Pagkasira ng buhok dahil sa mga produkto para sa buhok tulad ng pangkulay, mainit na rollers, curling irons o hair dryers.
    • Madalas na pagbanat, paghila o pagikot-ikot sa buhok.
    • Epekto ng medikal na gamutan tulad ng chemotherapy at radiation therapy.
    • Nakaraang operasyon, mataas na lagnat o emotional stress.
    • Sakit tulad ng lupus at hyperthyroidism.
    • Matinding metal poisoning o pagkalason sa thallium o arsenic.
    • Hindi tamang nutrisyon lalo na ang kakulangan sa protein or iron sa pagkain.
    • Pagkasira ng hair shafts dahil sa paso o iba pang kapinsalaan.
  2. Pangangati, flaking, at crusting ng anit.
    • Cradle cap – Ito ay ang pagiging malangis at pagkakaroon ng madilaw na crusting sa anit ng isang sanggol. Ito ay karaniwang nangyayari at hindi senyales ng sakit. Hindi rin ito palatandaan na ang sanggol ay hindi naaalagaan ng mabuti.
    • Balakubak – Ito ay ang pagkatanggal ng balat sa anit na nagiiwan ng puting flakes sa ulo, leeg, at balikat. Ito ay maaaring isang kondisyon ng eczema na nagdudulot ng pagtaas ng insidente na pagkatanggal ng normal na skin cells ng anit. Ang balakubak ay maaari ring sanhi ng impeksyong dulot ng fungus. Maaari ring makalala sa balakubak ang hormones at ang pagbabago ng panahon.
    • Lisa at kuto– Ito ay maliliit na mga insekto na walang pakpak na nagdudulot ng pangagati at pagkakaroong ng raw patches sa anit. Ang lisa sa ulo ay karaniwan sa mga batang nag-aaral.
    • Buni – Ito ay impeksyon sa panlabasang layer ng anit sa buhok. Nagdudulot ito ng pabilog na pantal na may nakaalsang mapulang gilid na mukhang uod. Ang pantal ay kumakalat mula sa mga tagiliran at madalas na klaro ang gitna nito. Kapag ito ay tinignan, ito ay hugis singsing.
    • Chronic na mga kondisyon tulad ng psoriasis, eczema, at seborrhea.
    • Pambihirang kondisyon ng balat na tinatawag na lichen planus. Ang kondisyon na ito ay lumalabas kapag ang pasyente ay nagkakaranas ng stress, fatigue o sobrang pagkapagod, at exposure sa gamot o kemikal.
  3. Sores, pantal, paltos, at bukol sa anit na maaaring sanhi ng mga sumusunod:
  4. Kanser sa balat – Ito ay maaaring mangyari sa anit, sa mga lugar na di masyadong natatakpan ng buhok. Ito ay nakakasira sa cells at tissues ng balat at sa ibang kaso ay maaaring kumalat (metastasize) sa ibang parte ng katawan.

Ang gamutan sa problema ng anit ay depende sa sanhi ng problema.

Sanggunian