Pulikat

From Wikihealth
Jump to: navigation, search

Ang 'pulikat' o cramps ay ang biglaan at hindi sinasadya na pagliit ng isa o higit pang mga kalamnan. Madalas itong maranasan ng mga kalahok na atleta kapag mainit ang panahon. Samantala, may isa pang uri ng pulikat na nangyayari sa panahon ng pagtulog at nararamdaman sa kalamnan ng binti o daliri sa paa. Kilala ito sa tawag na nocturnal cramps.

Contents

Karaniwang apektadong bahagi ng katawan

Sanhi

Ang labis na paggamit ng kalamnan, dehydration, pilay, o ang pananatili sa isang posisyon ng matagal na panahon ay maaaring magdulot ng pulikat. Gayunpaman, sa maraming mga kaso, ang eksaktong dahilan ng isang pulikat ay hindi pa nakikilala.

Bagaman ang karamihan sa pulikat ay hindi nakakapinsala, maaaring ang ilan ay may kaugnayan sa isang medikal na kondisyon, tulad ng:

Sintomas

  • Mula sa isang bahagyang pagkimbot ng laman patungo sa nakababalisang sakit.
  • Matigas kapag hinawakan o lumitaw na pilipit o pagkimbot sa ilalim ng balat.
  • Maaaring tumagal ng ilang segundo hanggang 15 minuto o mas matagal pa.

Lunas

  • Marahang unatin at masahiin ang namamanhid na kalamnan hanggang sa ito’y mawala.
  • Gumamit ng cold pack upang ma-relax ang naninigas na mga kalamnan. Gumamit ng mainit na bimpo o heating pad kung mayroong naramdamang sakit o panlalambot sa kalaunan o gumamit ng mainit na tubig kapag maliligo.

Alternatibong paggamot

Uminom ng vitamin B complex. Gayunpaman, pinapayuhan na kumunsulta sa doktor para sa mas payak na mungkahi.

Paano ito maiiwasan

Ihinto ang paggawa ng anumang gawain na maaaring mag-trigger ng pulikat. Upang maiwasan ang pulikat sa hinaharap, magsagawa ng mahusay na pangkalahatang ehersisyo gaya ng sumusunod:

  • Warm-up – Laging magpainit ng kalamnan bago mag-inat. Magandang halimbawa nito ay ang mabagal na pagtakbo o mabilis na paglalakad ng ilang minuto.
  • Calf muscle stretch – Kumiling ng pasulong laban sa pader at ilagay ang isang paa sa harap ng isa pa. Ituwid ang likod at idiin ang sakong sa sahig. Baluktutin ang harap ng tuhod. Manatili sa ganitong posisyon ng 15 hanggang 30 segundo. (Dapat maramdaman ang pag-unat mula sa kalamnan ng binti patungo sa sakong.)
    • Gawin: Panatilihing nakapatag ang parehong sakong sa sahig. Ituro ang daliri ng paa sa likod ng paa patungo sa sakong ng nasa harap na paa.
  • Hamstring muscle stretch – Matayog na umupo ng nakaunat ang parehong binti. Ang paa ay dapat neutral, hindi nakaumang o nakabaluktot. Pagkatapos, ilagay ang palad sa sahig at padausdusin ang kamay patungo sa bukung-bukong. Manatili sa ganitong posisyon ng hanggang 30 segundo. (Dapat maramdaman ang pag-unat mula sa likod ng hita at likod ng tuhod.)
    • Gawin: Panatilihing lantad ang dibdib at haba ang likod. Umabot mula sa balakang. Huminto sa pagdausdos kapag naramdaman na ang pag-unat.
    • Huwag gawin: Pag-ikot sa likod o subukan dalhin ang ilong patungo sa tuhod. Huwag pagkabitin ang tuhod.
  • Quadriceps muscle stretch – Humawak sa pader o likuran ng upuan upang magbalanse. Itaas ang isang paa at dalhin pataas ang sakong patungo sa puwit o pigi. Hawakan ang bukung-bukong at hilain ang sakong palapit sa katawan. Manatili sa ganitong posisyon ng hanggang 30 segundo. (Dapat maramdaman ang pag-unat mula sa harap ng hita.)
    • Gawin: Panatilihin magkalapit ang tuhod. Huminto sa pagtaas ng sakong kapag naramdaman na ang pag-unat.
    • Huwag gawin: Ibalantok o pilipitin ang likod.

Paalala

Dagliang gawin ang pag-unat, pagkatapos ay pakawalan. Huwag mag-unat sa puntong sumasakit na.

Sanggunian