WikiHealth

Ang Southern Philippines Medical Center (SPMC) ay kilala dati bilang Davao Medical Center. Ito ay isang ospital ng gobyerno sa ilalim ng Department of Health (DOH) at matatagpuan sa J.P. Laurel Avenue, Bajada, Davao City. Ayon sa pinuno ng ospital na si Leopoldo “Bong” Jumalon Vega, ang SPMC ay ang pinakamalaking ospital ng pamahalaan sa Mindanao na may pinakamaraming kama.

Noong 1917, itinayo ang Davao Public Hospital sa ilalim ng isang deklarasyon ng lehislatura ng pamahalaan. Nagsimula lamang ang ospital na ito sa 25 na kama. Kalaunan, noong 1946, ang pangalan ng ospital ay pinalitan ng Davao General Hospital at lumaki ang kapasidad nito sa 200 na kama.

Ang nasabing ospital ay bininyagan muli bilang Davao Regional Medical and Training Center noong 1957 sa ilalim ng batas na R.A. 1859 at mas lalong lumaki ang kapasidad nito sa 350 na kama. Ito ay itinayo sa Bajada na may laking 12.8 hektarya. Ang bagong gusali na ito ay nagkaroon ng inauguration noong Disyembre1964 ngunit 1966 na nang maganap ang kumpletong paglipat sa baong pasilidad. Opisyal itong kinilala bilang Medical Center for Mindanao and Sulu ng DOH sa ilalim ng A.O. 157na naging epektibo noong 1 Enero 1971.

Basahin ang buong artikulo...

Ipinahayag ng National Disaster Risk Reduction and Management Council (NDRRMC) na tumaas ng 200% ang mga kaso ng dengue fever sa Central Luzon. Bukod pa dito, 17 ang natalang namatay sa nasabing sakit sa unang tatlong buwan pa lamang ng taong 2011. Nakapagtala ang Regional Epedimiology and Surveillance Unit ng Rehiyon 3 ng 3,688 kaso ng dengue mula unang araw ng Enero hanggang ika-16 ng Abril taong kasalukuyan.

Pinakamaraming kaso ng dengue ang Bulacan (1,253); Nueva Ecija (927); at Pampanga (701). Mayroon ding mga napansing clustering sa mga ilang lugar sa Bataan, Nueva Ecija, Bulacan, at Pampanga. Sa mga kabuuang bilang nga mga naitalang kaso, pinakamarami ang mga lalaki (51.8%) na may edad 0-91 taong gulang. Nasa 40% naman ng mga pasyente ang may edad 11 - 20.

Patuloy na binabantayan ng mga lokal na opisyal ang mga kaso upang maiwasan ang isang dengue outbreak. Samantala, pinapayuhan nila ang lahat na panatilihing malinis ang mga tahanan at paligid nito upang maiwasan ang pagdami ng mga lamok.

Sanggunian:

• GMA News Online. (Hinango noong 5 Mayo 2011.)
• NDRRMC Update. (Hinango noong 5 Mayo 2011)

Kamusta, Melanie!

Sadyang may mga tao na madaling tablan ng motion sickness. Ito ay madaling iwasan sa pamamagitan ng pagpaplano bago pa man bumiyahe. Bago bumiyahe, ipa-reserba ang mga upuan na matatagpuan sa mga bahagi ng sasakyan na hindi gaano nararamdaman ang pag-andar:

• Sa sasakyang pangdagat – Humingi ng upuan sa bandang harap o gitna ng cabin o sa upper deck.
• Sa sasakyang panghimpapawid – Humingi ng upuan sa harap na baybay ng pakpak ng eroplano. Kapag nakasakay na, itapat ang hangin na lumalabas sa pasingawan sa mukha.
• Sa tren – Umupo sa harapan na malapit sa bintana at humarap pasulong.
• Sa kotse o bus – Magmaneho o umupo sa harapan.

Kapag ikaw ay madalas makaranas ng motion sickness, tandaan ang mga sumusunod habang nasa biyahe:

1. Tititigan ang abot-tanaw o umingin sa bagay na hindi gumagalaw. Huwag magbasa.
2. Huwag hintulutang gumalaw ang ulo kapag nasa sandalan.
3. Iwasang manigarilyo o umupo katabi ng mga naninigarilyo.
4. Iwasang kumain ng mga pagkaing maaanghang at mamantika o kumain ng labis. Huwag uminom ng alkohol.
5. Kumain ng biskwit kung nahihilo.
6. Uminom ng gamot na meclizine isa o dalawang oras bago bumiyahe.
   

Nawa'y makatulong ang mga tips na ito sa iyo at sa iyong anak. Happy trip!

Kayang matukoy ng isang simpleng blood test ang posibilidad ng melanoma, isang uri ng cancer sa balat. Maari rin nitong matukoy kung ang kanser ay makaka-apekto sa ilang organs ng katawan (metastasis). Ito ang ipinahayag ng mga mananaliksik ng Yale University sa Amerika. Ang kanilang natuklasan ay naisulat sa isyu ng Clinical Cancer Research na inilabas noong ika-15 ng Abril taong kasalukuyan. Gayunpaman, kailangan pa ng masusing pagsasaliksik ng mga eksperto bago ito gamitin sa mga klinika at ospital.

Apat na posyento lamang ng lahat ng cancer cases sa buong mundo ang binubuo ng mga kaso ng melanoma subalit itinuturing itong pinakamalubhang uri ng kanser dahil nasa 74% ng lahat ng cancer deaths ang dahil dito. Malaking tulong sa mga pasyente ang blood test na ito dahil higit na mas mura ito kaysa mga pagsusuri na ginagamit ngayon sa mga klinka at ospital.

Sanggunian:

• The National Women's Health Information Center.

• Hindi na kailangang mag-sunscreen ang mga taong maitim ang balat. Totoong mas kaunti ang melanin ng mga taong may mapuputing balat at mas sensitibo sila sa UV rays na nanggagaling sa araw. Ganunpaman, kahit apektado pa rin ang mga taong maitim ang balat. Sa katunayan, iniri-rekomenda ng American Academy of Dermatology na gumamit pa sila ng lotion na may SPF 15 o mas mataas pa.
• Mainam ang butter para sa balat na napaso o na-sunburn. Mas mainam na mabasa ng malamig na tubig ang balat na napaso. Pagkatapos ng sampung minuto ay maaari nang lagyan ito ng antibiotic ointment. Kinakailangan namang isangguni sa doktor ang mga second at third-degree burns.
• Mainam sa sugat ang pagbabad nito sa tubig dagat. Maraming bacteria sa tubig dagat na maaaring maka-impeksyon sa sugat. Mas makabubuting linisan ito agad ng tubig at sabon at lagyan ng antibiotic ointment.
• Kapag nakaranas ng nosebleed, makabubuting tumingala upang tumigil ang pagtulo ng dugo mula sa ilong. Malulunok mo lamang ang iyong dugo kapag ginawa mo ito. Mas mainan na pisilin lang ilong ng sampung minuto upang maisara ang dalawang butas nito. Hindi na kinakailangang tumingala pa. Kalaunan ay titigil din ang pagdurugo. Kung sakali namang hindi ito tumigil, agad na magpunta na sa pinkamalapit na klinika o ospital.
• Ang baong pagkain ay ligtas pang kainin kahit nagdaan na ang ilang oras basta nasa cooler ito. May mga pagkaing kailangang nasa 40 degrees o mas mababa b\pa lalo na kung ito ay hilaw. Siguraduhing maraming yelo ang cooler upang mapanatili ang temperature na ito. Makabubuti ring maglagay ng thermometer sa loob ng cooler at iwasang ilagay ang cooler sa likod ng sasakyan kung saan walang aircon.